Âgâz-ı Gazeliyyât 115
A Agah
0
Altın Yaprak
Bütân kim mihr u kîn âyîne-i tagyîr virmezler
Meger şemşîr-i âha cevher-i te’sîr virmezler
Kenâr-ı dâye-i gerdûnda ol tıfl-ı yetîmüm kim
Mükerrer zehr-nûş itdürmeyince şîr virmezler
Hazer her turre-i pür-hamdan ey dil kim budur zannum
Olursın ‘âkıbet dîvâne vü zencîr virmezler
Nice ‘âşık harâb-ender-harâb olmaz ki bed-hûlar
İdüp hâk ile yeksân fırsat-ı ta‘mîr virmezler
Kemend-i himmet Âgâh olmayınca sa‘y ile derkâr
Sana bu saydgehde söz ile nahcîr virmezler
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş