Âgâz-ı Gazeliyyât 122

Oldı ol sîm-ten ârâyiş-i cem‘iyyetimüz Şem‘-i kâfûrı olur bâ‘is-i germiyyetimüz İntizârından o kân-ı nemekün meclisde Çeşm-i peymânede eşk oldı mey-i ‘işretimüz Kıymet ü kadrimüzi görmemişüz dünyâda Gûyiyâ gird-i kesâdîden idi hilkatimüz Der-be-der gezmemişüz kâse-i deryûze-sıfat Âsiyâ gibi ayagıyla gelür kısmetimüz Var kıyâs it nicedür ‘işret o şîrîn-leb ile Mey kadar neş’e virür telh olıcak sohbetimüz Âdemün rütbesin üftâdelük eyler ‘âlî Hîç bâl ü pere muhtâc degül rif‘atimüz Şükr Âgâh ki bu bukalemûn gülşende Olmamışdır gül-i ra‘nâluk ile şöhretimüz