Âgâz-ı Gazeliyyât 136
A Agah
0
Altın Yaprak
Rütbe-i ehl-i dili çeşm-i neminden bilürüz
Sadef-i pür-güheri cûş-ı yeminden bilürüz
Şûriş-i Berhemen ü zemzeme-i nâkûsı
Cezbe-i kâmil-i hüsni saneminden bilürüz
Çeşm-i şûhun bize hışm ile nigâh eylemesün
Âhû-yı vahşî-i endâzı reminden bilürüz
Âteş-i şevkde mânend-i pesend itme figân
Sâlik-i ‘aşkı sadâ-yı kademinden bilürüz
Yâr agyâr ile Âgâh şarâb içdügini
Gazab-âlûde pey-â-pey kaseminden bilürüz
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş