Âgâz-ı Gazeliyyât 155
A Agah
0
Altın Yaprak
Ne mümkün eylemek ey mâh def‘-i gam sensüz
Ki neş’e-i mey olur mâye-i elem sensüz
Figân ki eyledi âhır mukîm-i tenhâyî
Sirişk-i hûni vü efgân dem-be-dem sensüz
Harâb yegdür o dil k’olmaya hırâmgehün
Ki sahn-ı bütkededür sâha-i harem sensüz
Tenümde her ser-i mû şâne gibi neşter olur
İdince ârzû-yı zülf-i ham-be-ham sensüz
N’ola müdâm senün vasfun eylese Âgâh
Elinde ra‘şe olur cünbüş-i kalem sensüz
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş