Âgâz-ı Gazeliyyât 158
A Agah
0
Altın Yaprak
Ol iki nergis-i mestün ki nâ-tüvânı bizüz
Helâk iderse yine meyl-i sürmedânı bizüz
Sirişkimüzle olur olsa hâtırı tatyîb
O tıfl-ı hûr-ı siriştün gülâbdânı bizüz
Bizi felek de o mehpâreden cüdâ idemez
Ki burc-ı mihr ü mahabbetde Ferkadânı bizüz
Egerçi cevr ile dûr itdi yâr-ı kûyından
Kabûl iderse yine hâk-i âstânı bizüz
Tutuldı zîbak-ı şebnemle gûş-ı gül Âgâh
Bu gülşenün tutalum murg-ı hoş-figânı bizüz
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş