Âgâz-ı Gazeliyyât 168
A Agah
0
Altın Yaprak
Meyânı vasfını yârun ki gâh gâh iderüz
Nezâket ile şak-ı hâmeden nigâh iderüz
Cefâya eylese âgâz o şûh-ı çâr ebrû
Figân u nâle makâmını çârgâh iderüz
Mezâkın anlamaduk hîç vasl u hicrânın
Görünce âh iderüz görmeyince âh iderüz
Sipihr-i seyr oluruz himmetiyle şebnemvâr
Sirişk-i nakdını ol yolda harc-ı râh iderüz
Yine şerâr-ı hasedden halâs yok Âgâh
Çü şem‘ eger nemed-i şu‘leden külâh iderüz
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş