Âgâz-ı Gazeliyyât 176
A Agah
0
Altın Yaprak
Olsa ne denlü hâke berâber serîrimüz
Şebnem misâl cebhe-i hûrdur mesîrimüz
Ser-mest ü şûh-ı bî-ser ü sâmân-ı ‘âlemüz
Âlüftelükde çeşm-i bütândur nazîrimüz
Mazmûn-ı ser-nüviştimüz âşüfte olmadur
Gûyâ sevâd-ı zülf ile yazmış debîrimüz
Ref‘ itdi hâkden bizi reng-i hınâ gibi
Tâ oldı dest-i yâr bizüm dest-gîrimüz
Rehberlük itdi kûy-ı dil-ârâya dek bize
Âgâh o yolda tıfl-ı sirişk oldı pîrimüz
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş