Âgâz-ı Gazeliyyât 21
A Agah
0
Altın Yaprak
Benem kim zühd u takvâhânesin virâne itdüm hep
Harâb idüp riyâ mescidlerin meyhâne itdüm hep
Nigâh-ı bü’l-heves düşmen o gayret-pîşe şehbâzum
Ki gülşende şikâr-ı bülbül ü pervâne itdüm hep
Gönül mülkin ki teshîr eylemişdüm çok du‘âlarla
Ne bî-rahmam ki vakf-ı hıdmed puthâne itdüm hep
Ben ol âşüfte Mecnûnam ki te’sîr-i cünûnumdan
Melâmet şehrinün etfâlini dîvâne itdüm hep
Egerçi şâhid-i ma‘nâya Âgâh âşinâ oldum
Velî zevk u safâyı kendüme bîgâne itdüm hep
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş