Âgâz-ı Gazeliyyât 221

Var mı ol şûha bu gün şehrde benzer diyecek Hüsnüni vasf idecek tâze gazeller diyecek Hüsn-i ahlâkı hoş âyende vü etvârı zarîf Cümle a‘zâsı letâfetde berâber diyecek Oldı bir mertebe leb-teşnelerün kesreti kim Leb-i la‘lîni hemân çeşme-i kevser diyecek Mihnet-âbâd-ı cihân cây-ı ferahdur dime kim Şebine şâm-ı ‘adem rûzına mahşer diyecek Görmedüm ben ki o şûhun siteminden gayrı Ehl-i dilden kim ola lutfına mazhar diyecek Düşse mir’ât-ı dile ‘aks-i ruhı dildârun Görinür şöyle ki bir rûh-ı musavver diyecek Yâr-ı Âgâh-ı dil-efgârı su’âl eyler ise Söylen ahvâl-i perîşânı mükedder diyecek