Âgâz-ı Gazeliyyât 225
A Agah
0
Altın Yaprak
Ger olmayaydı mâ’ide bahş-ı hazân felek
Göstermez idi dâmenine kehkeşân felek
Mânend-i meh nevâle-i gamdan helâk ider
Bir gice itse hânesine mîhmân felek
Olmaz nihâl-i ‘ömr berâverde-i ümîd
Sad-sâl olursa dehre eger bâgbân felek
Saht ise cevre her ne kadar şîşe-i dilün
Ol seng-dil nigâr ile ol imtihân felek
Hasmun inânma merhamet-i gâh gâhına
Âgâh olur mı kimse ile mihrbân felek
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş