Âgâz-ı Gazeliyyât 235
A Agah
0
Altın Yaprak
Ne ‘ahdine firifte ol ne vefâsın al
Sabr it zamâne âdeminün mûmiyâsın al
Dünyâyı terk itdügüne bakma zâhidün
Nakşın çıkarmak ister isen bûryâsın al
Tâ itmemiş zamâne seni pây-mâl-i gam
Pîr-i mugânun iki elünle du‘âsın al
Müstagni ol ‘atâ-yı cihândan o denlü kim
Memnûn olursa Hızrdan âb-ı bekâsın al
Zîr-i felekde ister isen dil-güşâ makâm
Âgâh gibi gûşe-i fakr u fenâsın al
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş