Âgâz-ı Gazeliyyât 237
A Agah
0
Altın Yaprak
Rind-i sâfî-meşreb isen ‘âlemi meyhâne bil
Gerdiş-i leyl ü nehârı gerdiş-i peymâne bil
İtme ebnâ-yı zamândan ni‘met-i elvân tama‘
Bî-nemek sohbetlerinden kâm alsan dâne bil
Bir şikâyet-nâmedür bâl ü per-i pervâneden
Sahn-ı Kâgıdhâne vü fânûsı dîvânhâne bil
Böyle tahrîk-i cünûn eylerse ey dil zülf-i yâr
Gerçi Eflâtûn isen evvel seni dîvâne bil
Olmasun rencîde tab‘-ı nâzükün Âgâhdan
Sözlerin cânâ nasîhat bilme hep efsâne bil
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş