Âgâz-ı Gazeliyyât 266
A Agah
0
Altın Yaprak
Behreverdür ‘aşkdan şûh-ı dil-ârâmuz bizüm
Bülbülin âzürde itmez verd-i ra‘nâmuz bizüm
Yâr ile agyârdan pinhânî germ-ülfetüz
Mahv-ı hurşîdüz ki görmez çeşm-i a‘dâmuz bizüm
Zülf-i Leylîden kemend ister şikâr-ı kemteri
Nâzenindür ol kadar âhû-yı sahrâmuz bizüm
Sıklet-i çîn-i cebîn-i mevcden âsûdedür
Ol kadar leb-rîzdür gevherle deryâmuz bizüm
Olmazuz Âgâhveş minnet-keş-i bâd-ı sabâ
Zülf-i yâra bestedür dest-i temennâmuz bizüm
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş