Âgâz-ı Gazeliyyât 327
A Agah
0
Altın Yaprak
Mey-hoşdur eger serv-i gül ü bîdi de olsa
Def‘-i gam içün neşve-i câvîdi de olsa
Tâ gonçe-i dil olmaya sad-pâre açılmaz
Bu bâgun eger bir gül-i ümmîdi de olsa
Çarhun nice bir nûş idelüm zehr-i cefâsın
İl ‘âleme benzer hele hurşîdi de olsa
Sad-mâtemi âmâdedür elbette kafâda
Yıldan yıla dehrün bir iki ‘îdi de olsa
Hattın görüp Âgâh vefâsına inânma
Mihr-i dehen-i yâr ile te’kîdi de olsa
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş