Âgâz-ı Gazeliyyât 348
A Agah
0
Altın Yaprak
Oldı dil ma‘mûr vîrân olmayınca olmadı
Behre-yâb-ı vasla hicrân olmayınca olmadı
Gerçi pâ-mâl itmeden âhır peşîmân oldı lîk
Ben dahı hâk ile yeksân olmayınca olmadı
Âh kim bir gül nasîb-i gûşe-i destârımuz
Mâye-i sad-dâg-ı harmân olmayınca olmadı
Göz göre ol şem‘-i bezm-ârâ bana germ âşinâ
Bir zamân manzûr-ı kûrân olmayınca olmadı
Her ne efzûn oldı esbâb-ı ma‘îşetden dirîg
Nakd-ı âb-ı rûda noksân olmayınca olmadı
Râm olur mı dirdüm Âgâh ol büt-i vahşî nigâh 6a
Oldı ammâ âfet-i cân olmayınca olmadı
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş