Âgâz-ı Gazeliyyât 351
A Agah
0
Altın Yaprak
Halka âzârı şi‘âr eyleme sâtûr gibi
Herkese yâr-ı gam ol bâde-i engûr gibi
Kimsenün ‘aybını urma yüzine âyîneveş
Yüri settâr-ı ‘uyûb ol şeb-i deycûr gibi
Serd-i mihrî-i cihândan o kadar dâgum kim
Görinür mihr-i felek çeşmüme kâfûr gibi
Zulmet-i şâm-ı firâkını degişmem rûza
Sevmişem bir meh-i hurşidveşi nûr gibi
İtme âzürde şikâyetle o şûhı Âgâh
Gâlibâ cevr ü cefâ itmede mecbûr gibi
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş