Âgâz-ı Gazeliyyât 362
A Agah
0
Altın Yaprak
Gehî vaslına geh hicrine şâyân itdi lutf itdi
Ne kim ben zerreye ol mihr-i rahşân itdi lutf itdi
Hele çok sardı burdı hâsılı baht-ı siyeh âhır
Beni zülf-i bütân gibi perîşân itdi lutf itdi
Çok olsun lutfı kim sahbâ-yı gamla sâkî-i devrân
Pür itdi câmumı ya‘ni ki ihsân itdi lutf itdi
Ne çâre yolumuz da var imiş o Yûsuf-ı sâni
Bizi üftâde-i çâh-ı zenahdân itdi lutf itdi
Sezâdur şükrin itsem tab‘ımun memnûnıyam Âgâh
Beni müstagnî-i ihsân-ı dûnân itdi lutf itdi
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş