Âgâz-ı Gazeliyyât 368
A Agah
0
Altın Yaprak
İtdi kemend-i turresine beste gönlümi
Kayd-ı hayâtdan bile vâreste gönlümi
Tahrîk-i nabzı cünbüş-i müjgân kıyâs ider
Tâ itdi çeşm-i hoş nigehün haste gönlümi
Dirler şikestelükle olur yâr-ı dil-nevâz
Sad-pâre itdüm olmadı işkeste gönlümi
Oldı hevâya münkalib âhır habâbveş
İtdüm o denlü âh ile vâ-beste gönlümi
Âgâh nagme-senc-i hezâr ârzû iken
Bir çîn-i cebhe eyledi dem-beste gönlümi
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş