Âgâz-ı Gazeliyyât 39
A Agah
0
Altın Yaprak
Esîrdür gönül âzâd olursa her ne kadar
Elemden ayrılamaz şâd olursa her ne kadar
O gül-ruh olmayıcak bâde eşk-i hasretdür
Piyâle çeşm-i perîzâd olursa her ne kadar
Bulunmaz ehl-i hüner kevkebinde tâli‘-i sa‘d
‘Arûs-ı Zühreye dâmâd olursa her ne kadar
Güşâde olmaz o gül-gonçe âh-ı ‘âşık ile
Nesîmden bile imdâd olursa her ne kadar
Nezâket-i kadin Âgâh idemez tahrîr
Benânı hâme-i Bihzâd olursa her ne kadar
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş