Âgâz-ı Gazeliyyât 71

Zerre denlü derd bulmak güc devâdan çok ne var Sen seni işkeste göster mûmiyâdan çok ne var Râh-ı ‘aşka sâlik isen reh-nümâ yerden biter Hem-‘inân tevfîk olursa nakş-ı pâdan çok ne var Çeşmimüz hâk-i reh-i dildârı eyler ârzû Yoksa bâzâr-ı cihânda tûtiyâdan çok ne var Çûp-ı huşke cân bagışlar sohbet-i erbâb-ı dil Mu‘cizât-ı Mûsevî olsa ‘asâdan çok ne var Tengdür ser-pençe-i hurşîde reng-i ‘âriyet Yoksa bûs-ı destine hasret hınâdan çok ne var Gönlümüzce âşinâluk görmedük bir kimseden Vakf bir sözdür ki dirler âşinâdan çok ne var Sen hemân Âgâh râm it şâhbâz-ı himmet Saydgâh-ı hüsnde sayd-ı hümâdan çok ne var