Âgâz-ı Gazeliyyât 92
A Agah
0
Altın Yaprak
Bütân ki ‘âşık-ı mest ü fütâde isterler
Dü-çeşm-i beste vü dest-güşâde isterler
Kerîm-i tab‘î-i nev-sâkiyâni seyr eyle
Ki zehr-i gussa virüp zevk-i bâde isterler
Hazer hazer ki gönül nev-hatân-ı mekteb-i ‘aşk
İdince meşk-i sitem levh-i sâde isterler
Kalursa böyle dil ü cânı çeşm-i şûh-ı bütân
Degül cihânda huzûr-ı Hudâ da isterler
Müdâm dergeh-i pîr-i mugâna gel Âgâh
Ki anda istedügünden ziyâde isterler
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş