Âgâz-ı Gazeliyyât 97
A Agah
0
Altın Yaprak
Nakd-ı hayât hep leb-i cânâne harcıdur
Hâk-i vücûd sâgar u peymâne harcıdur
Her nahl-ı tâze kim dil-i sad-çâke nâz ider
Şimşâd-ı hoş harâm ise de şâne harcıdur
‘Âkıl bu kârhâne kumâşını neylesün
Zencir-bâf-ı zerkeşi dîvâne harcıdur
Her katre sîm-i eşk ki dildâre geçmedi
Nâçâr elümde sübha-i sad-dâne harcıdur
Bir dil ki rûşen olmaya Âgâh ‘aşk ile
Kandîl-i âftâb ise büthâne harcıdur
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş