आंनि रेबथि
B Bidindra Basumatary
0
Altın Yaprak
गिबियावनो नों लोगोनिसिम
मिजिंथिनि गोर्बो खेंब्लाना
अननायनि बिदै सरग'आखैब्लाबा
आंगोनि होनना अनसायना सावसुबदो
दायो बिथ'राइ गोरलैखौनो
जोंनि आबाद थिलियाव सैमा फालो हाबफैना
फारसेनिफ्रायनो गाफायनो लानायनि खौरां
खौरांआ बिखा खामहोदों;
राहाखौबो मोन्दों होबथानायनि
नंगौ जों बेरा होथेनो हायो
नाथाय जों मानो गावस्रालायनाय गोसोनि
मावबा-मावना आबादखौ
दिनैसोलाय मानोथो हारसिं हारसिं
मानोथो रावबो औवा थसे लाना फैया
मानोथो थिलियाव रावबो नुजाफैया
बुजिनाय गोर्बोखौ बहा दोनखुमाखो
बासिलायनाय दुसिलायनाय मानो लाबोखो
बे आबादा दायो
बिथ'राइयावनो बायलांबा
बिनि गेरेमसा मिजिंआ फैमाल।
Bu şiiri puanla
Henüz puan verilmemiş