बाथौ
B Bidindra Basumatary
0
Altın Yaprak
दहाइ आफा बोराइ बाथौ!
नोंखौनो सिबियो आं
खोमसिनिफ्राय सोरां मोननो
नोंखौनो गाबज्रियो आं
गुबुंले बारनिफ्राय बारग'नो
नोंखौनो खुलुमो आं
हिंसानिफ्राय जानगाराव थानो
नोंखौनो हास्थायो आं
खैफोदनि समाव गसं फैनो,
नुवाथारि नों बिफा
अब्लाबो फोथायथि लाना
जिउ बाउसोमना
मोननो लुबैयो गोर्बोजों।
आलारि बाथि फोजोङो
बाथौ गुदियाव हान्थु खराइना
गोथार लथासे दै लाना।
जिउ दिङा जावनायाव
रुगुं होसोनायाव
गोख्रै मोनहैनायनि खाबु हो
थालो मोनस'यै गोथौ लैथोयाव
दै मोनलोंलायनाय दाग'बहो।
जिउनि गोरा बान्दोखौ दा बायफ्लंहो।
Bu şiiri puanla
Henüz puan verilmemiş