माब्ला जाया?

जुलिया माब्ला जाखो आंनि अनजालि जालांखो सोर आंनि आंनि जुलिखौ सोर खुंखो आंनो आं मिथियि बे जुलि माब्लानि आरो सोरजोंनि जुलि? ? ? आं गोमोदों सेराव गंसे थों खुन्थिया गोसोम आइलि-जायलि मा जाथाव खोमसियाव राक्षस नङाथ'! आंखौ मन'नो फैयाखैथ'? सोरां जेब्ला मोब्लिबनि अखाफोर गैयै खोमसियाव खाफालाव गोजा निस्थुर सिन्दुरनि गाब गोजा जाहाबनाय दखना थावसि आखाइयाव आसान गुफुर गाब खोमायाव लिंलाब-लिंथाब सना। जेब्ला आं रायदावो सिरियै दोम गसंनानैनो दलरै आंखौ नायना थायो जेन'बा गावखौ बुङाखैसो। आं गोमोदों सोर जाथावगौ आंनि दरखंआव थारैनो आं मिथियाखैमोन। जाय समाव सोरनिबा खाब्रां राव आंनि खोमायाव रिंफैदों नोंनि बिसि गोदान आं बागदावखांदों बियो राव होबावदों नोंनि ब'बि बिसि आदुरि। आं गोमोसिन्दों मा! आंनि ब'बि बिसि आंनो आंनाव सोदों नों बहा मोना आरो माब्ला हाबा लाया?