A cert forestee che viven in Milan

Merda ai vost ariezz, Maicanaggi pajasc de foiestee; Andee fœura di pee; Tornee pu per on pezz: Fénnela sta regina di finezz. I avessem nanca vist Col fagottell sott sella a entrà in Milan Biott, descalz, a pescian, Magher, umel e trist, Sti gran bondanz, sti malarbetti crist! Hin staa chi, s’hin faa su Lene e petard col noster cervellaa, Che abonora el gh’ha faa Slonsà el coll come i gru, E adess, porconi, el ghe fa ingossa anch lu! Nun, pover buseccon, Se semm strengiuu in di cost per fagh el iœugh De scoldass al nost fœugh; E lor cont el carbon Se spassen vïa a tengen el muson.