Ai carroccee e fiaccaree
C Carlo Porta
0
Altın Yaprak
La giustizia de sto mond
La someja a quij ragner
Ordii in longh, tessuu in redond,
Che se trœuva in di tiner.
Dininguarda ai mosch, moschitt
Che ghe barzega on poo arent,
Purghen subet el delitt
Malappenna ghe dan dent.
A l’incontra i galavron
Sbusen, passen senza dagn,
E la gionta del scarpon
La ghe tocca tutta al ragn.
Fiaccarista e vicciuritt,
Che vee fœura de manera,
Inanz batt quij gambaritt
Pensee ai mosch e a la ragnera.
Metnin kaynağı: Kamu malı arşiv
Bu şiiri puanla
Henüz puan verilmemiş