Al pader Garion
C Carlo Porta
0
Altın Yaprak
Ve mandi, el me car pader Garion,
La vostra tabacchera
E on tocch del vost Tobia,
Che avii desmentegaa jer in cà mia.
L’ho visitada pœù in tutt i canton,
Per vede de trovà
Quaj coss d’olter del vost, ma no ghe n’era:
De mœud che se mai fussev rivaa a cà
Senza coo, credi ben de fav visaa
Che l’hi perduu per straa.
Metnin kaynağı: Kamu malı arşiv
Bu şiiri puanla
Henüz puan verilmemiş