Alto scià penna, carta e carimaa
C Carlo Porta
0
Altın Yaprak
Alto scià penna, carta e carimaa,
E giustemm el nost cunt, sur Martinell:
Ch’el varda chi che hoo giusta preparaa
Tiraa fœura anca mi el mè cuntarell:
A lu: tant per lenzœu slisaa e sporcaa,
Tant per pan, per pitanza e firisell;
A mi: tant per falzett e gipp, s’cioppaa
A furia de paccià come on porscell;
A lu: tant per carocc inanz indree;
Tant per caffè, sorbitt, acqu e bombon;
Tant per latt, ciccolatt, cruzi e cuntee;
A mi: tant per la tolla del faccion;
Tant per cremor de tarter al speziee;
Tant al dottor per l’indigestion.
Vedi a la conclusion.
Metnin kaynağı: Kamu malı arşiv
Bu şiiri puanla
Henüz puan verilmemiş