Altra stoccada de Akmett

Akmett, in tocch come la porcellana, Magher come el ritratt de nost Signor, Strasciaa come i strivaj d’on sfrosador, Pestaa come el soffà d’ona puttana; Pelaa dal reficiò come ona rana, Pien ras de debet come on giugador, Pussee affamaa che ne on procurador, Sgognaa come el mari d’ona veggiana; Cusii in cà, come dent in d’ona scattola, Cont la donna sul fà d’on zoffreghett, Che tacca a fà fìœu come ona piattola; Cribbi! se lor no senten compassion, Sta vœulta el va anca lu, el pover Akmett, A tœull in pròs come Napoleon, Giacchè la Religion, O quella cossa che ghe disen squitta, L’inebiss anca a Akmett de tœuss la vitta.