Per incoeu guarna pur via
C Carlo Porta
0
Altın Yaprak
Per incœu guarna pur via
I tò rimm, i tœu conzett,
E ven chì a godè in cà mia
Vun di solet festinett.
Te doo facc de mett legria,
Fior de gamb, de brasc, de tett,
De imbrojà el coo a chi se sia
Che podess trà on fazzolett,
Sont sicur che te diree
Che hin i Grazi e i Mus che balla
Sui bej praa del Pegasee:
Ma el diroo forsi mej mì
A vedè che no ghe calla
El sò Apoll, che te set tì.
Metnin kaynağı: Kamu malı arşiv
Bu şiiri puanla
Henüz puan verilmemiş