Per la morte d'una fanciulla

Au dous mes, quand verdejo e llouris la compagno, Que trelusis sus l’erbo, au grand soulèu l’eigagno, Quand s’abiho de lus lou bèl azur au cèu, E lou cant de l’Amour s’espandis clarinèu, La chatouno, pecaire! en sa gràci idealo Mourié coume uno santo, à Diéu virant sis alo. Autour de la mourènto, amudi de doulour, Lou paire emé la maire escampavon si plour, E pregavon que Diéu, en sa grandour inmènso, Vouguèsse avé pieta d’un ange d’innoucènço. Èro espetacle triste, espetade de mort, Dedins li plus bèus an, e quand se duerb lou cor I fernisoun d’amour e dóu divin mistèri, Quand la vido sourris de suau refoulèti.