Aria e sole

Aimi de tout moun couar la risento campagno, L’èr pur, lou gai soulèu, lei flour, leis auceloun; Aimi l’ourizoun larg, lei prat perla d’eigagno, Lei riéu cascarelet, lei souloumbrous valoun. Fai tant bouan viéure luèn dei moundànei magagno: — Arrougantige, morgo, envejo, trahisoun — Lèu vous passon de tèsto, enuei, soucit e lagno; Peno, doulour, malan, calon sei pouguesoun. Moun couar tant matrassa trapejo la soufranço, E l’esprit libre e siau, sus l’alo dei Pantai, S’enausso vers lou Bèu, lou Bouan e lou Verai! Tambèn moun ambicioun, ma grande desiranço, Es de faire, au cagnard, la radasso l’ivèr; E l’estiéu, sout l’oumbrun, respira lou bouan èr! .mw-parser-output .sindes{display:inline-block;height:1em;text-indent:0}.mw-parser-output .sindes>span{position:absolute}.mw-parser-output .sindes>span:first-child{left:0}.mw-parser-output .sindes>span:nth-child(2){right:0}(Sº Dº di Marsiglia).(Op. separato).