ଗଛର ପତ୍ରଗୁଡିକ The Leaves Of The Tree
G
Gajanan Mishra
0
Altın Yaprak
କାର୍ ଟା ରହିଗଲା ବାଟରେ,
ଦେଖିଲାବେଳକୁ ଆମେ
ଜଙ୍ଗଲର ମଝାମଝିରେ।
ଅବଶ୍ୟ ବାଘଭାଲୁର ଭୟ ନାହିଁ।
ଆମ ପାଖରେ ନ ଥିଲା କିଛି ରୂପ ଧନ କ୍ଷମତା,
ସମ୍ଭାବନା ନ ଥିଲା ମାଓବାଦୀଙ୍କ ଉତ୍ପାତ ବି।
ଆମେ ଯିବୁ କେଉଁଆଡେ
ଆଉ କରିବୁ କଣ ପାରୁ ନ ଥିଲୁ ଭାବି।
ମେଘ ଥିଲା ଚାରିଆଡେ।
ପବନ ବି ଥିଲା ଜୋର୍ ।
ରୋମାଂଚିତ ହେଉଥିଲା ମନ।
ପାରୁ ନ ଥିଲୁ ଜାଣି
ଆମ ପାଖରେ ଅଛି କେତେଦିନ।
ଗଛର ପତ୍ରଗୁଡିକ ଅବଶ୍ୟ
ଆମର ଅସହାୟତା କରୁଥିଲେ ଅନୁଭବ।
ଆମେ ବାନ୍ଧୁଥିଲୁଁ ଭାବରେ ଭାବ,
ଥାଉ ପଛେ ଅନେକ ଅଭାବ।
Bu şiiri puanla
Henüz puan verilmemiş