Se Yon Kè Ki Briye E Souri
H
Hebert Logerie
0
Altın Yaprak
Kè gen machwè
Kè wè lannwit e lejou
Devan lanmou
Devan tout joujou.
Se yon kè ki briye e souri
Epi ki chofe nanm
Lè yon moun damou.
Devan ou, o fanm
Mwen jennen, tranble e jemi
E mwen santim trè kontan.
Vwa ou se yon bagay ekstraòdinè
Se tankou yon diva kap fredone
Chante trè ba dè chanson òdinè.
Se dè bo ki fè klòch yo sonnen
Se kèm ki briye e souri.
Lè mwen renmen
Mwen santim trè, trè kontan
Mwen jennen, tranble e jemi.
Cherie, kèm gen machwè
Devan bizou dous ou yo.
Copyright © Avril 2021, Hébert Logerie, Tout dwa rezève.
Hébert Logerie se otè plizyè koleksyon pwezi.
Bu şiiri puanla
Henüz puan verilmemiş