Hebhinarkê Şarkı Sözü
H Hîvron
0
Altın Yaprak
Ji wê şeva bi şewbê
Bêhna firîkên şewitî dihat ji çolê
Çend xarên min wendabûne li newala waweylê
Destmêja te û janê ji hevdû naşkê
Hebhinarkê! ..
Min ji te re got nexeyide ji wê çîrokê;
Wê gewriya te dil bide kêrê
Li kerbelayê
Belê delalê
Li çaraliyê çefiya min,
Diçurise şûna şûrê şilfîtazî yê îskenderê mezin
Kulora şahmeran e egala li serê min
Ev kitana çenda ye te li xwe şikenandiye hebhinarka min
Ne sûcê te ye,
Ew mîratê kewan li me nehatin
Li çiyayê şengalê,
Komeke xenzîr teyrê tawiz ji xwe re biraştine
Terikên wî digirîn li dewsê
Tu hogirî van perîkan bûyî
Hebhinarka delalî
Bi cizbê ketin hêsirên te yên firyalî
Li ser goleke mêşinî
Bo bi serê xwe dakim,
Ez ê dojeh bi dojeh li xweliya hestiyên te bigerim,
Hebhinarkê;
Teşiya bê,
Destara berfê,
Berîvana baranê...
Bu şiiri puanla
Henüz puan verilmemiş