Dove voglio morire

Dins un mas que s’escound au mitan di poumié, Un bèu matin, au tèms dis iero, Siéu na d’un jardinié ’mé d’uno jardiniero, Dins li jardin de Sant-Roumié. De sèt pàuris enfant venguère lou proumié... Aqui ma maire, à la testiero De ma brèsso, souvent vihavo de niue ’ntiero Soun pichot malaut que dourmié. Aro, autour de moun mas, tout ris, tout reverdejo: Liuen de soun nis de flour, souspiro e voulastrejo L’auceloun que s’es enana!.... Vous n’en pregue, o moun Diéu! que vosto man benido, Quand aurai proun begu l’amarun de la vido, Sarre mis iue mounte siéu na. (Lis Oubreto en vers).