La pazza
J Joseph Roumanille
0
Altın Yaprak
Pèr lou champ varaio souleto,
Despièi l’aubo enjusqu’à l’ahour.
Èi folo, èi la folo d’amour.
Pauro chato! pauro Lileto!
Ai! Diéu, moun Diéu! perqué tant leu
Aquelo roso s’èi passido,
Quand la vesian just espandido
I bèu rai de voste soulèu?
Vous fai pieta, la malurouso,
Tant soun visage es avala!
Èi meigrinèllo e palinouso,
E sis iue blu se soun nebla.
Souvènti-fes, si qu’èl countènto.
Quand ie parlon de sis amour!
E pièi plouro e se despoutènto:
Pièi ris en chapoutant de flour;
Metnin kaynağı: Kamu malı arşiv
Bu şiiri puanla
Henüz puan verilmemiş