Il Ventoux (Charrasse)

Tau qu’ un rèi gigantas asseta dins la plano Au mitan de sa court de princihoun galant, Ventour aubouro un front courouna de péu blanc E porto en mantelet Tarmino soubeirano. Es cubert, dóumaci, de nèu quasi tout l’an. E li nivo que van de-vers la tremountano S’arreston ellamount, bèu plumachié de lano, E fan qu’ansin reverto au Vesùvi brulant. Lou jour vers lou cèu blu, la niue vers lis estello, Lèvo un cap autourous. Mai sa raço fidèlo Vanego o dor paisiblo i prat verd dis entour. E lou trafé di pople, e lis estras di guerra, E tout lou chafaret di ciéuta de la terro Moron avans d’esmòure un pastre dóu Ventour. (Armana dóu Ventour, A. 1899).