Fiori d'inverno (Funel)

Despièi lei serre aupenc jusco a nostrœi couleto, Nivose a fach cascar de nevas blanquinèu; Mai, à Vènço, rousier, graulano e viouleto Greion, maugrat l’ivèr, à l’abric de la nèu. E, dins lei vèu ciati de ramo verdouleto, En cantant gaiamens sei refrin tendrinéu. De roble de filheto, à plenœi garbeleto, Rabaion bouquet fresc e boutoun rouginèu. Semblon, canèstre au suc, de canefòro antico Quouro, au vèspre, s’en van vers læi paret goutico De la vieio ciéutat que si cuertie de fum. E, ’m’uno voio noblo, elegante e rigènto, Jougnon poulidamens, a sa jouinesso gènto, La belesso dei flour e sei precious perfum. .mw-parser-output .sindes{display:inline-block;height:1em;text-indent:0}.mw-parser-output .sindes>span{position:absolute}.mw-parser-output .sindes>span:first-child{left:0}.mw-parser-output .sindes>span:nth-child(2){right:0}(Sº Dº di Vence)(Mont Segur. A. 1904. N. 10).