Al mare latino

O bressaira de lum amai d’allegretat! Tas ersas, couma d’iòls linsas e sounjarelas Qu’enfloura toun pantai d’illas lugrejarèlas, Autant qu’un cèl preclar alargoun la clartat. Canda clartat que fai, de cada ime atindat, Un clar meravilhous miralhaire d’estèlas E regat per vesiouns, emb’ de majicas vēlas, Que van questant per tout e Sapiencia e Bèutat: Car, s’emerga de tus l’Afroudita daurada, A Minerva-Athènè toun siau blous tant agrada Qu’en subre-amor de tus lou garda en soun esgard: Antau, couma de Dieus roudant una urna antica, Veiras tous fils Latins, coupa serena, ò Mar! T’abrassà d’una volta estrecha e pacefica. .mw-parser-output .sindes{display:inline-block;height:1em;text-indent:0}.mw-parser-output .sindes>span{position:absolute}.mw-parser-output .sindes>span:first-child{left:0}.mw-parser-output .sindes>span:nth-child(2){right:0}(S.º D.º di Montpellier)(Aux bords du Lez).