Kya Jawab Doon! ! ! !
M
M. Asim Nehal
0
Altın Yaprak
Zindagi ne kar diya hai kyun pareshaan
In pareshaniyon ka kya jawab doon
Kashti meri chali thi itmenane-tarfe-saahil
Ek toofan aaya mai kya jawab doon
Uske wade pe bharosa kiya maine
Is wada khilafi ka ab mai kya jawab doon
Ta umr mein kyun is khush-fehmi mein reh gaya
Wo mere na hue jo iska mai kya jawab doon.
Chalte rahe hum jis ki justaju ke firaq mein
Wo khwahishon poori hui na, mai kya jawab doon
Baith kar tazkira kiye is waqt-e-zindagi ka
Waqt kaise phisal gaya iska kya jawab doon
Tu ne mujhe paida kiya jis kaam se 'Aashi'
Wo kaam kyun hua na iska kya jawab doon.
Bu şiiri puanla
Henüz puan verilmemiş