Sera di Novembre
P Paul Chassary
0
Altın Yaprak
Defora fai frech; l’aguielàs gingoula,
Las bestias dau bosc tresanoun de pòu;
Dejout le palhas, la canina idoula,
Un lençou de nèu tapa tout lou sòu.
Dins lou bruch dau vent s’ausis la campana
Que trais dins lou cièl soun plagnun de mort;
Lou din-din dau clas se pèrd dins la plana;
Mais couma un pougnard nous trauca lou cor.
Entre que l’ausis, ma maire s’auboura:
A ginouls, enfants, preguent Dieu, sou-dis,
Pas ben lion d’aici tout un oustau ploura;
Pèr lou paure mort, un De profundis!
Metnin kaynağı: Kamu malı arşiv
Bu şiiri puanla
Henüz puan verilmemiş