شمارهٔ ۱۳

با این اندی کس که دل دوستی روجی یکی ونه دوست که دل منه ور سوجی ای چش نپرسنی ته مه شو و روجی چن اسلی شنی توم دل و جان بسوجی در آیی ستم کنی مره هر روجی تا سوته دل دل به ته بوه روجی ته نییر منه نوم ره زبون هر روجی چون آتشه مه نوم و زبون بسوجی مه د چش تنه چیر ار نوینن روجی با من دپیچن تموم ونه بسوجی ته عشق به منه دل اونچنون افروجی گر دوزخ ره مه تش دکفه بسوجی نرسیه مه چش ره به شو و روجی که اسلی نشنه دل و جان نسوجی هیر تو منه نومره به زبون هر روجی نترس که نیه تش که زبون بسوجی هوکت امیر ره عشق ته لعل و بوجی لیل زلف و شفق رخ چیره دارنه روجی دوست جلوه اونه که تاووس آموجی زنگی ره به ته دیم آتش هاییت سوجی صد ساله مه تن به عشق تش بسوجی امرو دوست مره مهره ورزی آموجی خور نپرسنی مه درد و داغ سوجی دل سوجنه مه دامن تنه نسوجی