شمارهٔ ۱۷
ا امیر پازواری
0
Altın Yaprak
صنعون صفت ترسا وچه ره بدیین
خمر بخردن و مصحف بسوجنیین
زنار دوسن و خوک خی چرا ینیین
سی وار بهتر که ناکسن مهرورزیین
میمون بییین یا که عنتر انتر بییین
کشیین زنجیر گردن رهانییین
شه دوست رقیب ره به شه چش بدیین
سی وار بهتر که ناکسن مهرورزیین
کچککرچک بییین دایم هوا دییین
به بوردن چینکا دچٰار بییین
یا پیره زنون شه دل براجنیین
سی وار بهتر که ناکسن مهرورزیین
یا خوک خی بییین و ویشه چگالنیین
کشتی بشکسن دولت دریؤ شنیین
سیمرغ پیون هرگز آدم ندیین
سی وار بهتر که ناکسن مهرورزیین
Bu şiiri puanla
Henüz puan verilmemiş