شمارهٔ ۱۹
ا امیر پازواری
0
Altın Yaprak
چی دولته که خنه دریم بیامو
یا اون ماهه که شو به دنیم بیامو
فرشتویه از عرش برین بیامو
یا یعقوبه که یوسفه وین بیامو
امرو به گل زار آهوی چین بیامو
گرد گله باغ مشک پرچین بیامو
د زلف د کاکل چین به چین بیامو
من عاشق اون زلفمه پرچین بیامو
پری پیکر و زهره جبین بیامو
باز وچویه که قهر و کین بیامو
طوطی وچویه جانب چین بیامو
خدا دونه مه درد حکیم بیامو
ایی خور و مونگ هم نشین بیامو
پری پیکر و زهره جبین بیامو
شاه مردمون تخت زرین بیامو
ستاره به ته نقش به زمین بیامو
Bu şiiri puanla
Henüz puan verilmemiş