شمارهٔ ۲۹
ا امیر پازواری
0
Altın Yaprak
ونه باخسم کش ته خجیره خویی
ونه بییرم دست ته خاره ججویی
مه تن تنه بو کنه ته ماه نویی
ترسم تن بشورم تنه بو بشویی
اونطوری که گوکی انتظار گویی
اونطوری که ماهی انتظار اویی
اونطور که پروونه انتظار سویی
مه دل شو و روز فکر و خیال تویی
گره دکته مه کار و مه گلویی
گره به ابرو دیمه عرق گلویی
کی داشته گلو دیم و کی داشته بویی
مره خور و خو تل بیه روز و شویی
صدف نگشا امروز عقیقه لویی
وینگار توم بیوته ننه اونکار بویی
نگذشته سخن بیوتمه موبه مویی
ندومه دل دوست جواب چی بوویی
Bu şiiri puanla
Henüz puan verilmemiş