Jindagi Ka Aakaar

Jindagi ka koyee jyamitik aakkar ho ise main nahi manata jis kon se dekho uska aakar badal jata hai kabhi to wah lagati hai ek bindu jismein ahang ki sthiti matra dikhti hai kabhi wah ban jati hai ek virat vrit jiski paridhi se saari srishti pariveshthit ho jati hai kabhi lagati hai ek rekha si jiski lambai badhati jati hai aur hum aadi bindu se door bhaag jate hain kabhi wah dikhati hai ek tribhuj ki aakar si jiske shirsh par baitha niyanta apani do lambi bhujaon se ham sab ko thame rakhata hai kabhi wah ban jati hai ek chaturbhuj jisme aakarshan aur vikarshan sthiti aur laye ki samanantar rekhayen paraspar katati rahati hai aur kabhi aisa lagata hai jindagi ka n koi aakar hai n koyee roop hai bas bakwas hai jo charo ore se ghira hai.