Bonie Peggy Alison
R
Robert Burns
0
Altın Yaprak
Tune - "The Braes o' Balquhidder."
Chor. - And I'll kiss thee yet, yet,
And I'll kiss thee o'er again:
And I'll kiss thee yet, yet,
My bonie Peggy Alison.
Ilk care and fear, when thou art near
I evermair defy them, O!
Young kings upon their hansel throne
Are no sae blest as I am, O!
And I'll kiss thee yet, yet, &c.
When in my arms, wi' a' thy charms,
I clasp my countless treasure, O!
I seek nae mair o' Heaven to share
Than sic a moment's pleasure, O!
And I'll kiss thee yet, yet, &c.
And by thy een sae bonie blue,
I swear I'm thine for ever, O!
And on thy lips I seal my vow,
And break it shall I never, O!
And I'll kiss thee yet, yet, &c.
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş