My Bonnie Mary
R
Robert Burns
0
Altın Yaprak
GO fetch to me a pint o' wine,
An' fill it in a silver tassie,
That I may drink, before I go,
A service to my bonnie lassie.
The boat rocks at the pier o' Leith,
Fu' loud the wind blaws frae the ferry,
The ship rides by the Berwick-law,
And I maun leave my bonnie Mary.
The trumpets sound, the banners fly,
The glittering spears are ranked ready;
The shouts o' war are heard afar,
The battle closes thick and bloody;
But it 's no the roar o' sea or shore
Wad mak me langer wish to tarry;
Nor shout o' war that 's heard afar--
It 's leaving thee, my bonnie Mary!
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş